Ki Fer Mo Pu Vote 'Virer Mam'!
Zordi l’Ile Moris, nu zoli pays, pe al votez dans ene eleksyon dife ki kapav change la facon Morisien vive zot la vie, ou bien renforce nu heritage kulturel politik.
Dans mo 35 ans karier journaliste, mo fine gagne privilege assiz ar presque tout ban leaders politik ki pe combat pu le bien etre du pep.
En premier lieu, mo pu met Vishnu Lutchmeenaraidoo.
Mo pu admet, ki en 1983, mo ti ena ene ti doute lor nomination sir Vishnu comme ministre des finances et sa akoz pas ti ena boucoup information lor li. Mais li ti ene taciturne, stratege et ene grand personalite!
Tout seki nou ti conner sa lepoq la, c’etait Paul Berenger, Harish Boodhoo, Sir Aneerood Jugnauth (SAJ) etc. Vishnu ti dans l’ombrage sa banne tenors la.
Mais aussitot ki Vishnu fin assize lor chaise ministre, li fin montrer so pragmatisme et so capacite.
A cette epoque, Berenger ti pe dire ki Vishnu ti ene ‘dreamer’ ki li reve plis ki li ‘deliver’.
Mais les annees de Vishnu au pouvoir, ine transform le pays, et l’histoire pu dire ki tandem SAJ-Vishnu c’etait le ‘dynamic dua’ ki ine amene miracle ekonomik dans pays dans les annees 83-91.
Si l’ile Moris ti ene pays sans coulere la paux, Vishnu ti pu ene candidats pu post Premier Ministre.
Mais, so retour avek SAJ pu surtout amene ene nuvo dimmensyon dans ene guvernma MSM-PMSD-ML, si zot gagne eleksyon la.
Mo esperer c’est le meme Vishnu ki mo ti kotoyer a l’epoque, l’homme digne et approchable ki ti touzours montrer so respek pu l’opinion l’ezot surtout quand mo ti pe manze ar li dans press conference, reunion budjet ou dans interview pu BBC Radio Afrika!
Quand a SAJ, mo rapelle ki li ti ene politisyen mal compris pendan ene bon letan, surtout avek l’impressyon dans ene ban kominoter a Moris ki encore croire ki SAJ zot l’enemi et ki li ene dimun sans rancune.
Mais c’est pas le SAJ ki mo ti koner.
Mo rapelle l’affaire Tajoura. Concernan la visit de 70 Morisyen en Libye.
Sans l’intervention SAJ au Parlement, ti ena possibilite ban aktivist ki ti visit Libye sa l’epoque la ti pu alle faire ene sejour dans kaso.
Ti ena pression depi l’Ambassade Amerikain lors ene top Ministre ou deux dans guvernma SAJ pu met ban la dans kaso, pu faire ene kes trahizon kont zot.
Mais SAJ dans so sagesse, et sa li pas bien apprecier alas dans Moris sa, ti azire de facon magnanime malgres tout les zistoire ki MMM ti pe raconter lor li.
Li ti prend la polis, les ministres ki ti en faver met les visiteurs en Libye dans kaso et les Amerikains a contre pied.
Alle gette Hansards dans Parlemen ou ava trouver, ki SAJ ti defan banne Morisyen la. Sa moment la, li pas ti azir de facon komunalis!
C’est ki ti importan sa l’epoque la, c’etait la croissance ekonomik et le dynamik ene contra sosial ki ti tourne au tours de la paix, la cohesion et le disiplin.
Tout sa la ti dans reve Berenger et le MMM, mais accompli par SAJ, l’homme ki ti dans l’ombre de Berenger pendan des annees mais ki ine tourne le pays ‘upside down’ afin ki pu capave amene miracle ekonomik.
Ene miracle ki Berenger et MMM pas pu capave repete zamais si zot kontinue kitte guvernma kuma ban ti zenfans ki pas fine gagne sorbe!
Mo esperer avek sa ti discour la, mo ban frere-soeur Morisyen pu gagne ene ti komprehensyon ki Moris ti ete sous SAJ-Vishnu.
Malgres les ‘hot spots’ sa l’epoque la avek so Harish Boodhoo (l’essentrik) ki ti pe apel mwa ‘Bhai Mahmood’ et ki ti pe ekut se ki mo ti ena pu dire li karer-karer et so Sir Gaetan Duval ou SGD (donc les étalages colorés seront toujours manqué et ki ti pe agacer avek mo harassment), SAJ ti roule pays assez bien avek Vishnu a ses cotes.
Par Kazi Mahmood – anciennement BBC Radio Afrike